谷婭溦走訪四川　啟發作曲靈感

歌手谷婭溦（Vivian）日前到電台宣傳新歌《一級保護動物》，是她由去年展開的「人性四部曲」音樂企劃的第三部曲「善」，Vivian透露第三部曲原本有另外一首歌，只因一次旅行體驗而決定選用《一級保護動物》，她表示：「幾個月前我去咗四川天空之城一個叫理塘嘅地方，當地海拔四千幾米，嗰度啲人真係好樸素、好純，純到你唔信，嗰種眼神好清澈，對人好nice，成個環境同人都令人好洗滌心靈，我去到好有感觸，覺得呢個先係我要嘅善。」

認為人出世一刻都是最純潔的，但因為各種經歷令人產生變化，這首歌正想告訴大家，每一個人都有資格選擇這個善。Vivian今次有份為新歌作曲，及運用了最輕鬆的唱腔去表達情感:「我想用一個輕鬆手法帶出最放鬆同舒服嘅感覺，如果個人好煩躁時，好多小事都變大事，但當一個人放鬆時，好多嘢都可以迎刃而解。」

東網網站 : https://on.cc/東網Facebook專頁 : https://www.facebook.com/onccnews/