吳奇隆用行動證明愛劉詩詩　手上一物曝光成關鍵

內地女星劉詩詩與吳奇隆今年1月迎來結婚10周年，惟離婚傳聞一直有，上月「520」（我愛你）大日子，二人再被爆離婚，劉詩詩工作室即留言：「每一天都被愛意圍繞」暗暗闢謠，不過仍未能壓制網友思緒。今次睇嚟都要老公吳奇隆「出手」，尋日（4日）吳奇隆被目擊現身上海四圍走錄節目，左手無名指仍戴住婚戒，同節目搭檔談笑風生。

吳奇隆尋日喺上海街頭出外景，身旁係曾獲奧運體操團體冠軍嘅中國前國手邢傲偉，兩人所到之處皆吸引路人圍觀。吳奇隆換足好幾套衫，不變嘅係左手無名指上嘅婚戒，用行動證明情未變，同劉詩詩仍然係兩公婆。據悉佢正錄影內地文旅綜藝《龍行天下之重走八千里路雲和月》，展示中國城市風貌。而吳奇隆不僅氣色相當好，身材都維持得唔錯，比起去年「暴肥照」比，明顯消瘦不少，面對前來打招呼嘅民眾，吳奇隆都面帶微笑回應，作風親民。

東網網站 : https://on.cc/東網Facebook專頁 : https://www.facebook.com/onccnews/