無綫藝人楊明因不小心駕駛被判入獄18天，今日（1月7日）刑滿出獄後即直往將軍澳電視城，接受《東張西望》及娛樂新聞台訪問。
面容憔悴的楊明提到自己「啱啱喺入面出返嚟」，他在服刑期間反省了很多事，想認真向大家交代，但怕自己「講漏」便拿出「貓紙」讀出。
他指自己的飲酒習慣，為大家和公司帶來麻煩和擔憂深感抱歉，然後便站起作90度鞠躬，向家人、朋友和公司道歉。
他又稱這事是他人生中一大教訓，希望大家日後給予他空間、時間和機會重新出發：「我好明白，我做出嚟嘅行為係完全唔可以接受。受到今次嘅懲罰係必然，喺裏面呢十幾日我不停咁反省，我知道遵守法紀、遵守道路交道係非常之重要，我每日都喺入面提醒自己喺每日都要謹慎言行，認真工作，做番多啲嘢回饋社會。」楊明最後再次站立鞠躬道歉。