Sica媽媽洪淑燕參加《美麗40路》　自爆「26歲意外生了天氣之女」

ViuTV下星期將開播《美麗40路》，節目中有40個年齡35到50歲的女性參加選美，當中26號 洪淑燕率先備受關注，因為她是Sica（何洛瑤）的媽媽。洪淑燕的自我介紹極具娛樂性，別名「榴蓮洪」的她，自稱「23歲結婚；26歲意外地生了天氣之女（Sica）」，更列出多年來的成長史。

洪淑燕的自我介紹為：「6歲 煲金魚粥；7歲 用鷹粟粉扮白粉嚇媽媽；8歲 將白兔便便當陳皮糖請人食；10歲 將黑x牙膏同高露x牙膏嘅盒對調 啲師奶熟客買完返去唔對路落嚟搵我媽媽 我媽媽即刻怒啤住我；18歲 住宿舍時 同學認為我冇可能唔識打麻雀 一試就愛上了；23歲 結婚；26歲 意外地生了天氣之女。」

結婚生女後的洪淑燕繼續充滿綜藝感：「30歲 喺金鐘電車站PK 下巴縫了針；31歲 其實無乜親身湊過小朋友 但做咗份Baby Care Consultant 嘅工 好笑；34歲 教女數學功課 太勞氣 疑似激動到拍枱拍斷手指；36歲 自助餐可以食40隻生蠔；37歲 放題可以食100隻生蝦；38歲 攪媽媽身後事 我老豆俾人坤佢擇日農曆七月十四出殯 我癲咗 破口大罵式反對成功；39歲 榴槤放題食了52.5粒馬來西亞榴槤」。

洪淑燕在40歲後再次PK下巴縫針：「40歲 比（畀）100蚊個女去長洲仲以為自己好豪；40+歲 一次過食20隻大閘蟹 失笑到在幾個朋友面前失禁（外星老母失禁症）面對不同的別離 喺禁堂食前一晚與最好的朋友喪食Farewell（再見有時）再一次PK下巴縫針（估計應該20年一次，下次再PK應該會直接死）第一隻半馬成功，唔洗上巴士」」。

Sica媽媽的自我介紹非常有趣，引來不少Sica的歌迷留言支持。其實Sica媽媽早已在兩年前的《男女自然觀察學會》流露風趣一面。當時節目為母親節製作特備環節，安排Sica透過視象電話與媽媽對話，本來是深情的示愛環節，但Sica媽媽爆出一句「你鍾意Marco，我鍾意姜濤」的金句。不少觀眾大讚Sica媽媽很年輕，對答更充滿幽默感。

對於媽媽參加選美，Sica向傳媒透露是她先斬後奏，她自己沒有支持或反對，又表示媽媽一直給她很大自由度，所以她都給好大自由度媽媽。