姜濤出新歌深夜撰文念故友　內文超感人一晚後急刪掉

▲姜濤出新歌念故友 深夜出文超感人：你喺嗰邊搵到女朋友未呀？

今年3月，MIRROR成員姜濤曾經在直播中提到，自己身邊一位認識10年的好朋友離世，而這位好朋友，就是他在肥仔年代已經認識、花名「中鋒」的摯友阿Kin。而姜濤昨晚就在IG出了一張黑白照，寫著「Dear my friend.」並留言：「送給你的。」而且更在限時動態寫下大量和好朋友說的說話，感人催淚。

▲姜濤在IG出了一張黑白圖，寫著：「Dear my friend.」

在文中提到新歌是送給故友，MV亦都已經拍好，並隔空跟故友交代整個合作，他先以「嘿白痴仔」來個親切的招呼。隨後提到監製給他final version，問他聽到嗎？「我盡咗力架啦，以前你成日覺得我啲歌一般，呢隻你滿意啦？」

▲好朋友「中鋒」當年在《全民造星》也有出鏡。

隨後便提到朋友離世後，自己都有代為探望其家人。「之前去搵咗你家姐了，佢同我講你爸爸媽媽身體冇乜太大問題，雖然仲未肯見我哋，但係你放心，有時間我一定會再去探佢哋。」「最近因為你唔喺度，宜家打波變咗我打中鋒，原來你以前嘅位置真係好攰，以前應該成日賴你搶唔到籃板。」「你喺嗰邊搵到女朋友未呀，30幾歲人都仲未拍過拖，丟架到。」「頭先先發現原來Whatsapp已經搵唔到你，以前嘅對話紀錄冇晒，不過好彩啲相仲喺度，同你大部份傾偈都係當面。」

▲二人識於微時，認識約10年。

去到最後幾個貼文，姜濤似乎更真情流露，更講到自己近排很累，可能跟身邊人未能好好相處有關。「MV噚日通宵都拍完啦，我今次搵嘅導演拍嘢拍得好好，一定整到你好靚仔。你睇吓，為咗你拍完MV之後直踩30幾個鐘冇瞓過。」「希望MV出街之後可以親自去你屋企嗰度俾佢哋睇，你放心我之後一定會定期去探佢哋，我都同佢哋講話以後有咩幫忙即管開口，我同占士一定盡力幫。」「最近呢真係有啲攰，可能係同身邊嘅人相處得唔係太好，可能係外界成日攞我啲嘢去講，可能係對之後要做嘅事冇乜太多信心。不過好彩占士都成日陪我，同埋我最近都搵返黃泉佢哋，總算覺得私底下多番啲朋友啦。」「呢隻歌我唔需要有咩太好嘅成績，啲人喺下面評論啲咩啊都唔緊要。最緊要嘅係呢隻歌你聽到睇到就得。」「疫情完咗之後呢，我就搵其他人一齊旅行o架啦。你嗰邊等我老咗再過嚟，等我呀。」字裏行間令人動容，不過事隔一晚所有對話Story都已刪掉。

▲姜濤3月時和「中鋒」打籃球，「中鋒」突感不適入院，不幸猝逝。昨晚姜濤就出圖出文，念這故友。