《食神》味公主再現！薛家燕翻抄經典造型出月餅：好好味呀

好好味呀！薛家燕在周星馳電影《食神》中飾演的「味公主」深入民心，今年她與拍檔聯手推出流心奶黃月餅，特別再以這個造型拍攝月餅廣告，就連眼鏡都搵番副似模似樣。

要重現「味公主」的經典造型，家燕姐訂製服飾之外，連眼鏡都跟足，她說：「呢副眼鏡，唔係星爺《食神》黑色嗰副，而係我個仔同我訂造嘅，咁要做番《食神》嘅「味公主」個樣，但點知金色嗰副搵唔到，淨係搵到副紅色，我要影相襯番呢套衫，點算呢？好在我個菲傭姐姐噚晚幫我用金色指甲油油上去，所以呢副係用人手手工油嘅《食神》眼鏡，獨一無二，好有型。」

家燕姐說：「味公主呢個造型好突出，而中秋節係個大節日，我就諗不如請名餅嘅師傅出啲優質嘅月餅，價錢要優惠，等大家過一個愉快嘅中秋節，（點解唔出傳統月餅？）我覺得傳統月餅大個咗啲，同埋依家個個都著重健康，家燕媽媽好多家庭嘅觀眾，大人同小朋友都鍾意食。」她還笑說：「希望香港每個家庭都食到我呢個家燕媽媽月餅同蝴蝶酥……」