柯士甸道西兩男　冒險橫越8行車線　網民嘲：路係人行出嚟

今早（9日）一段車Cam片段在網上流傳，片中兩名男子於繁忙早上時段，無視交通安全，於柯士甸道西往佐敦方向近高鐵西九龍站位置，橫越8條行車線，險象環生，引發網民熱議。

根據片段顯示，事件發生於今日早上8時26分，兩名男子站於柯士甸道西中央分隔壆旁張望，疑似尋找機會過馬路，目的地為高鐵西九龍站。當時，一輛私家車剛駛出連翔道地下行車道，並沿快線前行。二人見有空隙，竟快步奔跑橫過整條馬路，最終成功抵達對面行人路。

片段未有顯示他們早前動向，但根據該段路的設計及車流情況，估計兩人合共跨越至少8條行車線，片主無奈形容「心中有路，道道都係路」。有網民亦留言批行為罔顧安全「就快撞埋都唔驚」、「危害自己又連累司機」，亦有人笑指「路…果然係人行出嚟㗎」、「直線最短距離法則！」