【水上樂園】記者實試六大親子玩樂設施
每周好去處
【水上樂園】
記者實試六大親子遊戲
海洋公園水上樂園終於在9月21日開幕喇！！！今次記者實試6款適合一家大細一齊玩嘅水上遊樂設施，仲有不同餐飲美食，當然唔少得嘅購物區喇。
儲物櫃區
首先入場當然唔少得記係要一個儲物櫃，儲物櫃分別有4款不同儲物空間。
價錢當然亦有分別，有迷你儲物櫃(每次港幣$20) 、標準儲物櫃(每日港幣$120)、家庭儲物櫃（每日港幣$200)和特大儲物櫃（每日港幣$280)，記者建議一般家庭都選用特大儲物櫃比較適合！！！
天海灣
場內有個半透閒天幕設計，可透入和暖的陽光，感受到微微風輕拂的日光浴，室內造浪池設有多程人造浪模式，
場地所提供的水泡
當中包括猛烈澎湃的雙鑽浪，讓大家盡情投入不同的感官體驗。 大家還可自由選擇場地所提供的水泡自由漂流。
漂流探秘
有名漂流當然係坐上水泡慢慢漂流仲要在室內，絕對唔可以怕曬親，漂流途中穿越四個不同的主題區，享受與家人、好友的美好時光。
（提供水泡自由漂流，有大人、小童及雙人水泡）
威威水地帶
威威水地帶是一個大型多層玩樂設施，專為父母和小朋友提供一個安全的遊戲環境。
場內包括有噴水裝置、起泡機、隧道、水簾以及滑梯，當然唔少得一個極受歡迎得大水桶，真係一家人最好玩嘅地方。
旋風、急轉雙子梯
話明係雙子梯當然有分別，急轉雙子梯係隱約半透光設計，而旋風雙子梯親設有連續急彎旋轉，為大家帶來不同風刺激感。
（提供單人或雙人水泡)（限制高度120cm以上及2人同時玩樂不得超過185KG）
急流漩渦
急流漩渦體驗無盡的感官刺激，可與親朋戚友一齊坐入巨型水泡當中，
衝入巨大湯碗中旋轉，感受由戶外玩到戶內驚心動魄玩樂時刻，最後極速衝入漏斗，有強大離心力令巨大水泡劇烈搖晃左右， 刺激到爆燈！
（限制高度120cm以上）
衝浪先鋒
香港首個室內衝浪機，為大家帶來超乎想像嘅滑浪挑戰體驗！職場有專業教練指導我日常衝浪嘅小技巧體驗滑浪嘅快感 ！ （每位沖浪者需使用一塊衝浪板）
購物區
有不同實用裝備，由嬰兒到大人的裝備都非常齊全，完全唔沈驚帶漏野，好多小朋友泳衣仲好靚嫁！！！
餐飲體驗
相信水上活動需要體力特別多好容易肚餓，遠慮種類繁多嘅餐飲場所為大家補充能量提供環球美饌，
包括炸雞輕食快餐清真菜式以及地道美食。
餐飲地點包括：百味洞（位於迷失部落）、洞天美食（位於迷失部落）、灣岸小食 （位於冒險灣岸）。 水上通行証
水上通行證 ─ Lite
價錢：港幣250元
可享用之服務：指定遊樂設施內，自選4個項目之優先通行服務。
水上通行證 ─ Pro
價錢：港幣350元
可享用之服務：指定遊樂設施內，所有項目之無限次優先通行服務。
*指定遊樂設施包括：旋風雙子梯、急轉雙子梯、八彩天梯、急流漩渦、神秘迷沖、極速迴環、深浴飛瀑、勇者之巔，以及沖天瀑布。
購票通登入：https://waterworld.oceanpark.com.hk/tc
注意由於水上樂園未有公共停車場使用，駕車人士需要泊車在海洋公園，然後轉乘專屬巴士才可到達。
記者建議或可泊在附近停車場。（最近水上樂園停車場- 雅濤閣停車場）黃竹坑深灣道11號
*本文章的內容若未經授權，不得轉載