3年級功課都唔識做？唐寧每星期開Live學英文

藝人唐寧2017年與舞台劇才子鄧偉傑離婚，成為單親媽媽獨力照顧9歲大仔俊俊及5歲囡囡嗡嗡。尋日佢喺社交網晒出囝囝嘅英文功課，指當中好多題目連自己都唔識答，又坦言後悔以前學英文總是半途而廢，因此為咗子女決心重拾課本，並計劃每星期開Live做英文練習。

佢留言：「我要為自己做一件事。 其實一直以來有一件事我是很希望做到，便是學英文！但總是沒有辦法『的起心肝』去學，小時候沒有好好去學，長大後更害怕去學，就算有多少人願意陪著我幫我，只要他們稍一不看着我，我便會逃避去學習，令他們灰心失望。現在連仔仔3年級時的練習，也有很多不懂回答。所以我打算一星期在FB開一次做英文練習live，希望以公開練習，來給自己一點壓力。我會從小學4年班練習本開始，希望一星期能升一級，如果大家不怕悶便陪着我學習吧！我不可以再懶了！」

東網網站 : https://on.cc/

東網Facebook專頁 : https://www.facebook.com/onccnews/