去年橫掃多個新人獎的李駿傑（Jeremy）@MIRROR，在2023年推出西班牙曲風新歌〈Closer〉，期望在商業與妖魅之間取得平衡，讓大眾更易接受。而為了這個MV，Jeremy特別染了一頭粉紅色頭髮，再加入Sexy舞姿，給人耳目一新的感覺。
Jeremy一直鍾情Shawn Mendes與Camila Cabello合唱的〈Senorita〉，過去也曾在不同場合演繹這首歌，直到今年首支作品，他便拿出這首歌做參考，結果由王雙駿監製、梁瑞峰（《全民造星2》June）作曲及雷暐樂填詞的〈Closer〉便由此而生。
〈Closer〉由是一首關於男追女剛相遇時帶點曖昧，心情有點小鹿亂撞的直白告白，Jeremy坦言：「第一年Solo已想做類似西班牙輕快跳舞曲風，能夠寫到〈Closer〉好開心！大家可以跟住首歌一齊嗚一齊跳舞。」
Jeremy在MV中化身美食食評家，在餐廳偶遇了老板娘，但對方以魔力吸引Jeremy，把他迷暈，醒來的時候，已走進夢一般的碟子世界，但Jeremy繼續被對方迷惑，二人更慢慢蘊釀出曖昧關係。
今次Jeremy特別換上粉紅色的髮型，他解釋道：「上年keep咗金色好耐，好想轉髮色，藉住今次MV就轉做粉紅色，因為戀愛泡泡總係粉紅色，而家咁就啱啱好。」
雖然〈Closer〉剛推出，但其實Jeremy已籌劃好今年的音樂路，他說：「今年計劃出3首歌，已編排好，亦好快搵到Demo，馬上準備第2首歌了！曲風方面，3首都好唔同，想有多啲唔同嘅面向俾大家睇，因為〈Closer〉係拎咗新人獎後第一首歌，好重要，同埋上年係比較Dark嘅內容，今年想俾一個全新嘅自己給大家，簡單啲易明啲，同時亦都想將妖嘅元素加入商業啲、大家比較容易接受嘅音樂、曲風入面，可以令到妖嘅Topic更加多人接受。」