林奕匡創先河港鐵站搞簽唱會　「頭號鐵粉」到場支持

歌手林奕匡（Phil）最近推出新碟《The Next Station》，為配合以列車為主題的碟名，日前創先河於港鐵香港站舉行新碟簽唱會，吸引過百歌迷支持，成為首位在車站搞簽唱會的歌手，他大感開心：「非常感謝所有嚟支持嘅樂迷，特別係我嘅歌迷會『小匡之家』」。

他又謂在簽唱會上有不少難忘事，尤其能和支持他多年的粉絲見面：「每次都見到熟悉嘅面孔，最感動係見證到歌迷嘅成長，有啲歌迷帶埋佢哋嘅小朋友嚟。」而其「頭號鐵粉」寶貝仔Darrien由太太李靄璣抱住到場，他一副有仔萬事足的樣子說：「佢都第一次見證我嘅簽唱會，囝囝好開心，因為啲粉絲送咗份禮物畀佢。」又指在後台聽見單簧管四重奏電影《尋秦記》主題曲《天命最高》時，自己都受古天樂熱潮感染，笑謂：「忍唔住，跟住唱『別高興…』哈哈。」

東網網站 : https://on.cc/東網Facebook專頁 : https://www.facebook.com/onccnews/