何超雲新仔上場大方晒愛　玉手輕抬下巴甜到暈

已故賭王何鴻燊三房千金何超雲（Florinda）去年被揭與前未婚夫Douglas分手，何超雲清空社交平台上所有與Douglas合照。一直去到去年11月，何超雲於一場男閨蜜生日會中與神秘鬍鬚男互動親密，對方被指疑似係新歡，至12月，超雲更帶對方去個唱後台搵楊千嬅合照，公開親密關係。近日超雲於社交平台連環分享到泰國旅遊嘅限時動態，其中一張就係同鬍鬚男合照，戀情逐步浮面。

何超雲分享多張打卡美照，包括親自製作朱古力生日蛋糕，以及遊樂園玩鸚鵡等靚相，超雲更以Deep V露背連身短裙上陣，身形Fit爆。原來超雲亦偷偷狂晒充滿濃濃「男友視角」氛圍嘅相，超雲又同鬍鬚男於旋轉木馬上Selfie，合照由鬍鬚男揸機，何超雲就伸出玉手輕抬鬍鬚男下巴，又齊齊對鏡頭甜笑，明顯已成功走出去年分手陰霾。

東網網站 : https://on.cc/東網Facebook專頁 : https://www.facebook.com/onccnews/