陳凱詠舉行紅館處女騷 與陳慧琳合唱《花花宇宙》
JACE陳凱詠今晚（2月18日）大年初二於紅館舉行首個演唱會，下午時分她以老闆及歌手身份，率領一眾投資方及工作人員於紅館後台舉行拜神儀式，祈求演出順利，吸引近百Fans到場支持，有人更以外星人打扮為偶像打氣。而為配合新年初二煙花匯演，今晚首場演出將延至晚上9時30分開場，呼籲觀眾留意時間，提早到場準備。
一連兩場《JACE WORLD》JACE陳凱詠紅館演唱會2026將於今明兩晚（年初二、初三）在紅館舉行，JACE在拜神儀式後誠心上香，盼演出順利完成，說：「昨日總綵排後，台前幕後都非常滿意，自己更由打破先河的企位，一直試坐到山頂位置，以第一身去好好感受『JACE WORLD』，心情既緊張又期待。」
雖然之前一直有傳演唱會門票滯銷，JACE亦於社交平台發文回應，直言「票房是現實，不會扮作看不到」，但強調「唔會只用數字定義成功定義音樂。」首場有大約8成入座率，而首次於紅館出現的企位範圍亦氣氛不錯，JACE以《百妖夜行的修行》、《出事OOPS》等歌曲揭幕。JACE早前預告邀得陳慧琳、林家謙擔任嘉賓演唱會。
接近尾聲，JACE唱畢《天生二品》後感觸剖白心聲，真摯感謝每一位入場觀眾：「《天生二品》幫我奠定咗一個好好嘅開頭……但呢首咁輕鬆嘅歌，練習時最令我想喊。我諗係因為以前嗰個好靚妹嘅感覺好似冇咗，原來有啲嘢經歷咗好耐，好多嘢都變咗，但係有啲嘢真係天生冇變……愈大愈覺得，要輕鬆咁唱『天生就別顧忌』，好難㗎！但我好多謝在場每一位，因為你哋俾咗機會我繼續做自己想做，願意喺新年嘅時間，縱使出面有幾多說話、幾多聲音，你哋都選擇咗入場。」全場報以熱烈掌聲與歡呼聲。JACE最後邀請全場觀眾亮起手機燈，在一片燈海下演繹《那黑夜沒很夜》。