「陳展鵬害慘我兒子」潮文瘋傳　本尊親回鼓勵小鵬友感動網民

視帝陳展鵬回巢TVB多年，雖然過去效力亞視的時光經常被網民翻出回味，今時今日依然被指「搣唔甩陣亞視味」，但他都任講唔嬲，更不時熱情回覆網民，獲封高情商視帝。近日社交平台流傳「XXX害慘了我兒子」潮文，陳展鵬亦成為惡搞對象之一，不過驚喜的是，煎pan親自留言回應，分享17歲加入無綫「改命」的經歷，更親切鼓勵樓主的兒子，真誠態度再次感動網民。

陳展鵬版本的「XXX害慘了我兒子」潮文結合煎pan過去演唱《Monica》的經典片段，內容浮誇又搞笑：「陳展鵬害慘了我兒子，兒子今年17歲，都快要考DSE了，一直在家裡說什麼thanks thanks thanks陳展鵬，我冇辦法相信。我發現他手機的搜尋紀錄每次都是陳展鵬唱歌、陳展鵬打鼓、thanks thanks thanks陳展鵬和陳展鵬劇集，放任這個年紀的小孩看這種亂七八糟的東西，真的不會影響到DSE成績嗎？」

潮文在社交平台瘋傳，短短幾日間就累積逾2.5萬讚好，陳展鵬本人更親自留言回應：「當年我都係17歲改命入咗無線，因由零開始到今生今世嘅工作。thanks thanks，DSE係一個過程，人生都係一個過程，試一定要考，但懂得放鬆開心，係件好事，有咩緊要過健康活着，佢一定會活得比我哋更加好更精彩。你同佢講如果考得好，改佢個名唱俾佢聽。」有網民留言解說該文章是「玩膠潮文」，勸陳展鵬不必太認真，不過亦有不少留言表示被陳展鵬的留言感動，大讚：「就鵬你呢句已經值得小鵬友學習。」紛紛爭做「好鵬友」，陳展鵬更被發現已追蹤樓主的帳號，密切留意潮文中小鵬友的最新發展。