再婚莊思敏廣州酒店瞓到一肚氣：瞓走廊好過！

拿督千金莊思敏家族資產估計約8億元，衣食無憂。不過再婚的她醉心於演藝工作，近年積極北上發展，更不時在社交平台分享內地生活點滴。日前她到佛山入住酒店，卻因為房內溫度問題換來一肚氣，室外雖然只有8度，但房內室溫卻高達28度，令她熱到無法入眠，揚言要「出街瞓」！

莊思敏在社交網分享一段在酒店房間的自拍片，透露床上只見一個枕頭，明顯老公沒有同行，穿上一件頗厚針織衫的她說：「好瘋癲呀！我昨晚竟然熱到瞓唔着！出面8度？（拍片者：係呀，個玻璃係凍㗎！）現在室溫係28度咁呀大佬，熱到一個點！」

莊思敏透露自己入住廣州佛山一間酒店，表示明白北方地區天氣寒冷，通常會開中央暖氣，但似乎未有體諒來自不同地方客人的生活習慣。她曾向酒店提出交涉，回覆竟是：「酒店同我講個房係無得調校冷氣，只得暖氣。」

她隨後更發現房外走廊的溫度竟然比房內更舒適，說時十分勞氣：「出面係講緊8度，但我現在室內係28度，最嬲係咩，佢個走廊嘅冷氣大過我間房，我同佢講你唔需要多，只係畀返走廊溫度我就得啦，走廊嘅溫度係完全舒服㗎，我依家係直頭想拖張床出去瞓走廊，真係要出街瞓呀呢一鑊！」不少網民見狀紛紛出謀獻策，有的建議她「乾脆脫衣服」或「穿泳衣睡覺」，甚至有人提議「開窗通風」。

東網網站 : https://on.cc/東網Facebook專頁 : https://www.facebook.com/onccnews/