港姐︱關楓馨唔再搵老竇幫手　梁凱晴自認捱得要磨練

《2021香港小姐競選》12位決賽佳麗坐遊艇遊維港出席健康產品活動。（4）關楓馨自言靠清淡飲食keep fit，已經戒掉糖與鹽，減了近7磅。問到可覺得戒口慘？她說：「唔慘，味蕾都習慣咗，自己冇特別上磅，但係依家比之前瘦咗一個碼，啲衫都有啲鬆，依家行程都好緊湊，每日練舞已經當運動。」

大熱佳麗（15）梁凱晴除了為決賽排舞外，更會用盡時間，在家勤做運動，她說：「比準起決賽再瘦了6磅，自己好捱得，唔怕辛苦，參加港姐亦都係想磨練自己，所以好享受學習過程。」

問她們可有信心入三甲？關楓馨表示平常心面對，因沒有舞蹈底子，故要加緊練習。問到決賽會否再請爸爸關禮傑幫手表演？她笑說：「唔會喇，上次其實係大會嘅安排。（爸爸見你咁辛苦會唔會肉赤？）都會，但係依家綵排好忙，都冇乜時間見到佢。」而梁凱晴亦對獎項抱平常心，希望在決賽有最佳的表現。

另外，今屆港姐總決賽將於本月12日舉行，有傳將有殿堂級歌手任嘉賓，並指是張學友，若果屬實，將會是學友相隔20年，再做港姐嘉賓，歌神再現TVB，相信會令不少觀眾大呼期待。

東網網站 : https://on.cc/東網Facebook專頁 : https://www.facebook.com/onccnews/