蔡少芬爆被朱茵嗌收聲　曾動真火：我放咗喺心度

藝人蔡少芬與閨蜜朱茵昨晚在觀塘出席邵氏劇集《風華背後》煞科宴，兩人首度合作拍劇，扮演豪門姊妹，她們指4個月拍攝以來相當順𣈱合拍，默契十足。不過，朱茵直言只要她們「雙劍合璧」搭訕他人傾偈，你一言我一言，則相當嘈吵煩人，大家也怕了她們四散。

蔡少芬指劇中的姊妹情相當有戲，感情有起伏，相當寫實，朱茵則認同說：「現實都係咁，唔會日日糖黐豆，好似人生咁總會有起跌，可以放落戲入面，對我哋感情、對戲嘅火花，都係一個進階。」問到可會拍攝得太入戲動真火﹖蔡少芬說：「有場戲，佢無啦啦好大聲咁講，你唔好講嘢住，等我做埋先。我就話ok，你做埋先啦，兩個人就唔講嘢做埋場戲，完咗佢就同我講對唔住，唔好意思。我就話冇嘢，你係咁，好兩姊妺囉真係，過咗就算，雖然我放咗喺心度，哈哈。」朱茵則解釋說：「你又唔講開頭，蔡小姐話你應該咁做、咁做，我就話你畀我做咗先啦，呢樣嘢真係好真，我哋兩個熟到咁，先會唔介意佢會嬲，會表露自己，由佢嬲。」蔡少芬說：「講真係因為咁熟所以先表露得咁清晰，如果唔係可能已經唔再睬大家。」朱茵又指最重要是對事不對人，故並沒有問題。

蔡少芬又透露該場戲份之後要互相指摘，但拍攝時也感到心痛，不捨得鬧對方，兩人戲裏戲外果然也是好姊妹。再拍劇的朱茵又指能夠以廣東話拍劇感到相當舒服，特別是開工時聽到現場廣東話粗口橫飛，相當親切，大家也相視一笑，台前幕後合作得相當開心。

東網網站 : https://on.cc/東網Facebook專頁 : https://www.facebook.com/onccnews/