陳凱琳運動Look上陣　獲三位靚仔陪行山

視帝鄭嘉穎的太太陳凱琳昨日於新一年的第一天在社交平台上載相片及發文，分享與老公及兒子行山之樂，相中見她與老公及兩個囝囝齊齊以運動Look上陣行山，開心影合照，一行四人邊行邊打卡，嘉穎輕攬老婆影相晒恩愛，又與囝囝合照父愛滿瀉。陳凱琳寫道：「三位鄭生陪我行山，新嘅一年當然就會希望have a healthy start！唔知大家記唔記得我之前有個每個月行山任務？估唔到2026可以有三位靚仔陪我！Sorry Carcar~ next time we’ll bring you along too!」

她又回顧去年的快樂點滴，Po出不少照片，包括家庭生活照、飯敍及參加婚禮等，並寫道：「容許我回帶～因為12月尾發生咗太多happy moments，想同大家分享！Christmas Day～好cozy & warm喺屋企一齊食飯、好朋友結婚、識咗7years嘅friend group is still going strong as ever!我哋喺大牌檔一齊渡過聖誕。」最後她表示好值得分享的是與2016年播出的《星星探親團》的團隊飯敍：「足足有10年啦～film crew/team一直都有保持聯絡，一吹雞個個都夾到時間出嚟食團年飯，講番起嗰陣我哋拍攝嘅回憶，又講吓現在大家嘅轉變。」他們的友誼仍能保持純真美好，令她覺得很感動。她希望大家新一年都可以過得一樣咁難忘！

東網網站 : https://on.cc/東網Facebook專頁 : https://www.facebook.com/onccnews/