人仔唔易賺︱王浩信自爆去年手骨胸骨裂　捱到年尾先休養

視帝王浩信近日於內地舉行粉絲見面會，並即場宣布將於5月30日於廣州舉行演唱會。他於現場獻唱多首歌，又跟粉絲們大玩遊戲互動，期間他回顧去年表示：「去年中我做咗人生第一次音樂會，大半年拍咗4個作品，好有幸參與其中，但一開始拍戲嘅時候受咗好多傷，拍第一個作品時，我拗柴、手又骨裂、胸骨又骨裂，拍到年尾時我終於可以休養，喺呢度同你哋講聲唔好意思，因為我需要休養，所以我少咗喺社交媒體同你哋分享近況。」

他自言去年不斷突破自己，雖然會遇到困難與挑戰，但同時成就他的蛻變，變得更堅強及有勇氣，他希望帶着這份信念，將這股能量跟更多人分享，於是決定於5月舉行個唱，並名命為「信念」，他續指：「去年係我入行20周年，我本身以歌手出道，做咗演員後好似放棄咗呢個信念同夢想，但呢幾年我愈來愈覺得，哪怕我受到更多困難同挑戰，可能有好多唔認同我嘅人，我都要堅持我覺得啱嘅信念，去將更多我啲能量、聲音、故事、人生嘅得着喺舞台上同更多人分享。」主持問他會否騷肌時？他坦言會，至於尺度會有幾大，他就大賣關子，令不少粉絲對其個唱感期待。

相片在Ｉ的0102的00

東網網站 : https://on.cc/東網Facebook專頁 : https://www.facebook.com/onccnews/