Blake Lively誹謗官司文件解封　Taylor Swift短訊嘆友情變質

美國女星Blake Lively與美國男星Justin Baldoni合作2024年電影《痛愛完成式》（It Ends with Us）時反目成仇，Blake指控Justin性騷擾、製造敵意工作環境、與策劃抹黑她，Justin指控Blake誹謗。最新解封的法庭文件中，包括Blake與美國天后好友Taylor Swift圍繞事件的短訊對話，Blake於2024年12月4日傳短訊問候Taylor表示：「我冇理由咁問，但我唔知，我覺得我應該……係咪一切都冇事？我最近覺得自己係個壞朋友，因為我幾個月以來成日淨係講自己啲苦況。你好大方，唔止係成段時間支持我嘅關鍵人物，亦都縱容我咁投入。我覺得自己好蠢，聽落好似好需要關注好怪咁，尤其係我解釋唔到自己呢種感覺。我想確認所有嘢都冇事，所以我先咁問。如果我無意中做咗啲唔好嘅嘢，我成日都想有機會去做一個更好嘅朋友。我知道你幾忙幾辛苦，無論係身體上同情緒上，所以我唔會再要求你更多。」

Taylor回應時坦承感到友情變質：「你唔算講錯，但都唔係咩大件事。我諗我只係人生各方面都好攰，最近幾個月感覺到你同我講嘢有啲唔同咗。冇錯，最近係好多關於Justin嘅嘢，但我以前都遇過咁嘅事，我知道有幾消耗性。其實比較似……而我咁講好似幾衰，因為你啲短訊意圖係好，但你之前啲短訊……好似我係睇緊一個傳緊畀200個員工嘅企業電郵咁。你經歷緊咁多，如果我仲批評你就好衰，但我只係掛住以前我個風趣、黑色幽默、講嘢正常嘅朋友，以自己身份同我對話。」兩人之後言歸於好。

另外，Blake的加拿大男星丈夫賴恩雷諾士（Ryan Reynolds）與經理人Warren Zavala的短訊對話亦被解封，兩人談到Blake與Justin的官司時，Warren指應該以靜制動，賴恩提起美國男星尊尼特普（Johnny Depp）與美國女星安芭赫德（Amber Heard）離婚後互告誹謗的官司表示：「特普咪咁，結果搞成點？」Warren繼而指尊尼與安芭「最後齊齊攬炒」，尊尼可謂「躺着也中槍」！

東網網站 : https://on.cc/東網Facebook專頁 : https://www.facebook.com/onccnews/