葉蒨文與「富二代」斷聯　放閃：除咗GM唔會留意其他男仔

藝人曾展望(GM)與葉蒨文（Sophie）在銅鑼灣出席護膚品情人節活動，兩人打情罵俏，GM送上護膚品禮物被寫上「I Love You Sophie，每個情人節都想見到你。」Sophie則指會回饋20次私人按摩給GM，煙韌到暈。

Sophie與GM接受訪問講到兩人的一身白色打扮好像結預演婚禮，講到Sophie席間激讚「未來奶奶」靚湯相當識做？她說：「唔係要冧佢 ，Auntie啲湯真係好飲，我哋嘅鬥爭就係爭湯飲。」GM說：「我阿媽係特登留湯畀佢，以前煲畀我飲都冇咁多。」問到Sophie可有煲湯給GM飲？GM搶答笑說：「有，梗係掂，佢煲咗個守護前列腺嘅湯畀我飲，係番茄湯。（咁快就需要

？）唔係，個功效係咁啫，我本身鍾意食番茄。（對前列腺有冇幫助？）我諗有掛，未試到，未去到發生問題嘅階段，但係預防勝於治療，補補佢先，

Sophie亦笑問男友前列腺有沒有更健康？GM笑說：「有呀，愈嚟愈前呀。」Sophie則讚賞笑說：「好勁呀」

講到《女神配對計劃》的追求者「富二代」林堡熙稱與葉蒨文、GM因為免尷尬而做不成朋友，Sophie說：「冇留意，因為依家除咗GM唔會留意其他男仔，亦冇聯絡，咁係對男朋友嘅尊重。喺節目都有講如果喺節目識，都冇必要聯絡，因為依家同GM都過緊好好嘅生活，祝福佢。（劃清界線連朋友都冇得做？）好難做到完美，面面俱圓，我會選擇在乎GM嘅感受多啲，如果之後《女神》有聚會都會傾吓偈，但就唔會刻意聯絡。」GM則說：「好sweet呀，簡直係當今女神嘅典範，但係又唔係劃清界線，只係節目完咗之後冇乜機會聯絡。」講到情人節兩人皆要工作，會一齊食飯慶祝，GM笑言要預支「Sophie護膚按摩套餐」，問GM希望按那兒？他說：「我想按最突出嘅眼睛。」Sophie則說：「你最突出嘅唔係眼睛，係才華喎。」

東網網站 : https://on.cc/東網Facebook專頁 : https://www.facebook.com/onccnews/