張栢芝疑送Lucas飛澳洲開學　靚仔Quintus忽然扯高

影后張栢芝最近身陷與前經理人余毓興嘅合約糾紛案，不過生活都要繼續過，尋日（22日）就有網友網友於機場表示偶遇張栢芝同佢3個仔仔謝振軒（Lucas）、謝振南（Quintus）同張禮承（Marcus），一家四口罕見同框，似係送18歲Lucas去澳洲讀大學。網友激讚Lucas同Quintus棱角分明，真人非常靚仔，15歲嘅Quintus仲高咗好多超越埋哥哥。

網友於機場偶遇身穿紅色上衣、棒球帽嘅張栢芝，攜三子帶大量行李現身，佢自己亦有於社交網出story顯示目的地為澳洲，栢芝更晒出親自下廚照，照顧3個仔當地嘅日常生活。張栢芝身低調現身；Lucas全程守護母親，Quintus主動推行李車，7歲Marcus安靜坐於BB車中，四人互動自然默契，被讚係「單親家庭的溫暖範本」。Quintus身高亦引發熱議，目測已超過165cm嘅媽咪及哥哥（網友估算超175cm），穿灰色長褲戴耳機笑容開朗，柔美五官更貼近張柏芝。

結合Lucas先前公開對音樂感興趣，網友普遍猜測此行係送其赴澳洲音樂學院深造，但留學目的及具體學校資訊未經張柏芝本人或官方證實，僅為網路推測。

東網網站 : https://on.cc/東網Facebook專頁 : https://www.facebook.com/onccnews/