《得寵先生》捐千磅狗糧助浪浪　盧慧敏再遇角色原型讚有愛

以本地唐狗為題才的溫暖小品電影《得寵先生》上映以來口碑載道，戲中飾演動物義工「悅娜」的盧慧敏（Amy），日前與導演兼編劇李志偉和飾演「佳叔」外籍女婿的陳俊利，到大埔林村「浪浪之家」狗舍捐超過450kg（約1千磅）狗糧和物資，Amy在得知某款狗糧營養高，連人都可以進食，不止二話不說放入口，探訪狗舍期間她更「悅娜」上身，搬狗糧、清潔尿尿、餵食和陪牠們玩，弄得一身小腳印和口水，揚言是「幸福烙印」！

提到到狗舍捐狗糧，Amy指雖然運送畫面上幾十包糧看似很多，其實只夠兩星期食用：「除了狗舍嘅狗狗，仲有餵開嘅流浪狗和其他暫托狗。眨吓眼就食晒，所以要呼籲各界繼續捐物資和糧食，幫助狗狗或者不同動物團體，同埋支持領養不棄養。」而一踏入狗舍，Amy立即「悅娜」上身，走入狗BB的房間餵狗，見到地上有狗尿就立即清潔和消毒，期間又溫柔地和狗狗傾偈，而帶著零食的她大受狗狗歡迎，十幾隻狗狗熱情地圍著她，還撲到身上，當Amy蹲下時，狗狗更投入她懷抱，又舔她臉和嘴，逗得她哈哈大笑。

至於今次到訪的狗舍「浪浪之家」創辦人April，就是《得寵先生》Amy飾演動物義工「悅娜」的原型人物，電影開拍前Amy曾向April取經，了解動物義工日常運作和面對的人和事，今次再見面，Amy亦表示相當開心：「佢（April）依然好忙，照顧好多狗狗，成個人發光！而我一嚟到就好似返入角色，見到有尿尿就抹，有消毒就即刻攞嚟用，勾起好多拍攝嘅回憶！」

Amy得知當日有三隻小狗被領養好開心，但同時知道將接收二十幾隻山上的流浪狗，狗舍負擔好大亦令她擔心。Amy說：「最初我以為April打理狗舍和照顧流浪狗，係一個有愛心嘅女人，認識之後發現佢仲好堅強和好忙碌，有好多問題要解決。」April說：「其實唔只我，每位喺香港搞狗舍嘅場主都好困難，都有自己嘅煩惱。」