短裙女獅隧口遇迷路婆婆落車營救　男友激讚勇敢有愛心

有網民在社交平台上載一條好人好事的車Cam影片，片長3分鐘08秒，現場在龍翔道轉上獅子山隧道公路支路，顯示日期在今日(22日)凌晨零時許，片中見一名年約70歲婆婆在近落斜的馬路中走動，險象環生，剛巧一輛電單車駛至，幸司機眼明手快收慢車速，未有將婆婆撞及，隨後駛走；而尾隨電單車的一輛私家車司機見狀將車泊於路旁，車上一名穿短裙的女乘客落車上前扶婆婆回路旁，其後司機落車了解。此時，隧道公司職員到場指揮交通，並載走婆婆，片段亦至此完結。

發貼文網民指 :「啱啱收工接女朋友，返到獅子山附近突然見到馬路中心有個阿婆游嚟游去，差啲被車撞到，好彩後面嘅司機都幫我拖慢後面條車龍，而唔係一野(嘢)扭走，如果唔係嗰個位啲車衝落嚟都幾危險，喺我未開口之際，我女朋友已經當機立斷知道一定要幫阿婆手，估計個阿婆都應該有70至80歲，似乎係有失智症，佢唔知講緊啲乜嘢語言，亦都好似冇乜表達能力，腳浮浮企唔穩，手上面攞住一條嘢，起初我哋都驚以為係武器，睇真啲原來係個遙控，最後我哋決定咗報警同埋通知隧道管理，工作人員好快就到咗，指示好清晰佢去幫fing燈(揮動警示燈)控制交通，請我幫手扶婆婆上車，我哋先至安心離開，最後打返比警員佢哋已經接手咗，如果有人認識呢位婆婆，希望可以幫手通知屋企人。特別要讚呢個女朋友嘅處事嘅應變能力，你係一個勇敢而有愛心嘅人，我好自豪你有咁嘅成長而唔係龜縮咁走咗去就算。」

網民均紛紛留言讚揚該對情侶，「好人一生平安，祝善良嘅靚仔靚女幸福美滿」、「幸好有你們好心幫忙啊！希望能夠聯絡到婆婆嘅家人」、「你和你女朋友都係善良嘅人，好人一生平安！」，「C hing(師兄),你有一個非常有同情心的好女朋友。」

東網網站 : https://on.cc/東網Facebook專頁 : https://www.facebook.com/onccnews/