鍾柔美被爆情史人設崩壞　姚焯菲詹天文：給予空間

「聲夢小花」姚焯菲（Chantel）和詹天文(Windy)亮相紅地氈上，她們齊表示多謝造型師揀衫，Windy表示因之前無時間，今日第一次，完全不用修改，Chantel兩日前試過身非常合身，指在英國讀書期間經常行路少搭車，以及有健身關係，所以無需要特別Keep Fit。提到隊友鍾柔美(Yumi)近日被爆情史，激吻照流出令形像受損，Windy表示沒有特別關心Yumi，覺得應該給予空間調整心情，「作為朋友好欣賞佢出席跨年騷表現無受影，狀況OK!」

Chantel也認同要給予時間對方，讚Yumi出騷時表現無受影嚮，直言若是自己的話，上台表現定會扣分，認為這是Yumi的私事，不會干涉。問到將來拍拖的話會公開?Windy表示:「睇吓大家畀乜嘢定位，知道有啲偶像唔畀拍拖，將來大個啲拍拖會同大家講，之前講過係A1，依家都係A1。」Chantel就說：「自己唔會畀數字框實，唔使特別去交代。」她們笑言Po過不少黑圖，Windy直言好黑的圖都有，Chantel仲搞笑說：「有啲相以為好靚，大個睇番又唔係。」

東網網站 : https://on.cc/東網Facebook專頁 : https://www.facebook.com/onccnews/