鍾鎮濤孖兩個女一齊夾Band　鍾懿女臨時充當做女和音

藝人鍾鎮濤最近在新加坡舉行《及時行樂》巡迴演唱會，他繼續帶同兩名女兒鍾懿和鍾幗，一齊夾Band表演，而鍾懿不單為爸爸演唱會擔任表演嘉賓，更臨時充當和音員，簡直是一個全能女兒。問到為何會突然當上和音員，鍾懿表示：「下晝綵排嘅時候，知道咗和音姐姐唔舒服，咁個Show突然冇咗個女和音，咁當爹哋喺度綵排嘅時候，我就問咗一個工作人員攞咗支咪，然後我就唱和音。之後首歌完咗，我就同爹哋講，其實我可以幫手做和音。」問到又要演出又要當和音可會分身不暇？她說：「都唔會，因為爹哋啲歌，我由細聽到大，都好熟，所以幫佢啲歌做和音，一啲都唔難。」完騷後總監到後台讚揚她：「唔該晒你嘅和音，你可以問你爹哋攞支票，收人工。」鍾懿不單全能，而且孝順又乖，難怪鍾鎮濤在台上介紹她，形容鍾懿是他人生中最得意的「作品」。

此外，鍾鎮濤的太太范姜近日宣布投資內地「抗衰老中心」，日前在北京舉行簽約儀式，包括梁家輝、曾志偉、邱淑貞夫婦、關之琳、杜德偉等到賀，星光熠熠。鍾鎮濤則分享「凍齡」心得表示：「保養方法就是保持運動與維持工作節奏。」

東網網站 : https://on.cc/東網Facebook專頁 : https://www.facebook.com/onccnews/