Tyson Yoshi捐百萬家電被指呃人　公開遭威脅截圖：希望以理性方式交流

大埔宏福羌苑去年底發生嚴重大火，全城哀慟，社會各界紛紛伸出緩手，歌手Tyson Yoshi早前宣布會聯同合作夥伴捐出價值100萬港元的家電，協助災民重建生活。不過Tyson Yoshi昨日（9日）公開社交平台私訊截圖，透露有災民家屬反映未能取得所需家電，對方威脅如果未能獲得回覆，會將事件「報《東張》」，Tyson Yoshi親自回應：「資源有限，我同團隊其實都係想可以最大化咁樣幫助到最多嘅人…有啲朋友攞唔到佢哋嘅嘢，我真係好抱歉。但係真係要情緒勒索同埋要挾咩？」

由公開的截圖所見，該名災民家屬較早前先聯絡Tyson Yoshi，透露當時得知只有廚具，未能獲得急需的抽濕機、空氣清新機及微波爐，希望Tyson Yoshi幫忙，疑似未獲回覆後，近日又再私訊Tyson Yoshi，並撰長文表示不滿：「我真係不吐不快，你哋出個post又話幫啲災民一啲電器用品。我同你哋講完跟住你叫我聯絡Winnie，跟住Winnie email我問我要咩電器，跟住我答咗佢，跟住就冇覆過我啦，跟住我打電話俾佢就話你哋只係捐咗一啲廚房用品，話冇我哋需要嘅電器。」該名網民更直指Tyson Toshi「呃人」：「你哋就開post話捐咗咁多嘢，但係根本就將我哋踢嚟踢去問咗咁耐都係冇嘅。」更一連傳送5個嬲嬲表情，並威脅表示：「如果你唔回覆我嘅話，咁我就將整件事報上《東張西望》，等大家公眾評論一下。」

Tyson Yoshi公開截圖後，先對有災民未能獲得想要的家電致歉，但亦無奈表示：「但係真係要情緒勒索同埋要挾咩？」他之後再於限時動態留言解釋：「個人能力有限，但一直希望在能力所及之下，盡量幫助更多有需要的人。因此，在今次支援行動中，團隊最終決定與救世軍合作，並將一百萬善款集中用於一個能夠惠及最多災民的方案。」他指在資源需作集中安排的情況下，並以惠及最多有需要的人為考量，亦對未能一一回應感到遺憾，最後亦呼籲民眾：「對於溝通過程中出現的不同情緒與感受，我們表示理解，也希望彼此能以理性、互相尊重的方式交流，這亦是我們一直所期望的。最後，懇請大家理解相關安排，並感謝大家一直以來的關心與體諒。」