姜濤剖白「姜濤A」性格　會亂掟嘢發晒癲同人鬧交

姜濤在亞博舉行的《KEUNG TO"LAVA"LIVE 2025》昨晚舉行第7場，適逢昨晚是平安夜，姜濤唱到凌晨，戴着聖誕帽帶領全場歌迷在場內倒數迎接聖誕，更大唱聖誕歌，他表示：「祝大家聖誕快樂，新一年健健康康開開心心，希望每一個人平安快樂，最緊要身體心理都要健康。」不過他表示一直不知要有倒數環節，因為第一次在倒數的日子開騷，又笑言戴聖誕帽感覺好尷尬。姜濤今次共開9場演唱會，表示餘下仲有兩場便完結，心目中感覺好不捨得，更加珍惜台上每分每秒，每個單位及幕後團隊在餘下的兩晚都會盡120分能力為觀眾呈現最好的表演，「呢半年經歷好多嘢，甚至每日都提醒自己成為一個更加識得反省的人，過去半年同自己溝通和解，希望每個人都可感受到真實的我。」

在之前的場次，姜濤曾公開自己有「姜濤AB」兩面，有「姜濤A」和「姜濤B」兩個性格，昨晚他再次剖白姜濤A性格，直言姜濤A好黐線：「今日平安夜我哋會倒數，希望姜濤A唔好再任性地出現喺身邊人面前，的而且確姜濤A傷害咗好多好多對佢好緊要的人，姜濤A佢..好黐線，講真呀!姜濤A同花姐拗過交，唯一次同姜濤A拗交真係要食藥，好頂唔順，花姐同好多仔拗過交都無食過藥，就知姜濤A有幾勁啦!唔記得拗乜，真係拗到好勁;姜濤A仲會亂掟嘢，在自己好care的人面前發晒癲，面前的人畀我嚇親，完全唔知原來我係咁樣，我都唔知我係咁樣，好得意!」今次在演唱會公開自己的另一面，因為好想坦誠面對自己，「我唱《以父之名》就係因為好想懺悔過去姜濤A造成所有嘢，同所有畀姜濤A傷害過的人講聲抱歉，姜濤會大個，可能有姜濤C呢，姜C。」

平安夜的嘉賓是男團ERROR的梁業(肥仔)，姜濤取笑肥仔穿了閃閃西裝，並以「歡迎巨星Fat boy」介紹肥仔出場，肥仔帶來一首未出街的新歌《獅虎流》演唱，向來搞笑的他，期間突然正經表示：「希望將來繼續可以在姜濤身邊陪住佢，一齊成長。」在最後一首歌，姜濤唱《蒙着嘴說愛你》時，姜濤突然又出現，姜濤遞咪肥仔唱，點知肥仔唱不到表示好難唱，姜濤笑說：「難唱呢！」

東網網站 : https://on.cc/東網Facebook專頁 : https://www.facebook.com/onccnews/