【LINE你睇】港航搞笑推出「氹你個仔掣」 稱按掣即有專人氹細路

搭飛機其中一件令人頭痛的事，是航班上有幼兒哭叫，雖然不少網民曾建議推出「成人專用航班」但仍未有航空公司實行。不過，前日香港航空終於宣佈全新推出「氹你個仔掣」，終結機上兒童哭鬧問題，回應顧客訴求！但由於帖文時間是4月1日，很快就有網民留言：「too good to be true (好得太不真實）」直指一定是愚人節整蠱吧！

【全新推出！氹你個仔掣！】 [All-New “Keep the Child Calm”…

Posted by Hong Kong Airlines 香港航空 on Sunday, March 31, 2024

香港航空前日在官方社交平台Facebook發帖公開空姐空少扮鬼扮馬化身兒童親善大使出動氹細路的照片，帖文寫道：「據非正式統計，約41%乘客表示唔希望搭飛機遇到小朋友喊😭。而我哋亦都深明家長面對小朋友扭計好多時都會苦無對策🤦🏻‍♂️🤦🏻‍♀️。」

帖文續指：「有見及此，為提供支援俾家長，並確保全機乘客免受小孩哭鬧呢個『不可抗力因素』影響，香港航空隆重為大家介紹全新機艙服務『氹你個仔掣』！」

原來乘客只要撳這個掣，打扮奇幻的空姐空少就會華麗登場「氹你個仔囝或女囡」，務求令機上小朋友即刻開心不再扭計！不過帖文最後寫上「4月1日某航班限定」，證實此帖純屬愚人節搞笑項目。

不少網民喜歡小編的幽默感，更有網民留言表示真的在機上巧遇見到空姐「氹細路」服務，更有扭蛋令小朋友非常興奮，並附上現場拍攝照片。有留言表示如果屬實，此項服務非常吸引；但亦有網民幽默回應：「其實想小朋友聽話，喺航機俾返個電視睇就已經夠。」

圖片來源：FB@香港航空

【LINE你睇】每日精選網絡熱話，源源送上新鮮事，LINE你睇唔驚冇話題。