Stanley分享騎呢片　粉絲笑翻天

MIRROR成員Stanley與女友李炘頤(Alina)及Jeremy齊齊到日本滑雪，之前他們於社交網PO相時，已零偶包以全素顏示人，而Stanley更跟Alina穿着同款紅色睡衣，認真攞膽。昨日，Stanley再度升級發功，今次更加騎呢，他PO了多段躺在瑜伽墊上的搞笑騎呢短片，首先是一張躺平上的照片，並配文：「話說尋晚唔小心拉拉吓筋瞓著咗~」，跟住以不同「作品」系列連續PO了多段肉酸甫士片段，完全不理形象，相當搞笑。事後網民都於社交網留言：「我睇咗啲乜嘢，比返大表波我呀！」就連Stanley都有「上水」留了3個笑到喊的emoji，有網民讚他：「幾真吖！正呀冇偶包，呢啲先係真我呀！」、「大概係太大雪少咗滑雪時間而傻咗。」之後他再PO了翻身撻落雪地的片，配文：「最緊要你歡喜」，為氹粉絲真係誠意十足。而Jeremy亦唔輸蝕，PO了一段滑雪「自炒」嘅短片，更自嘲配文：「第一次跳屁股著地達成」，相當搞笑。

東網網站 : https://on.cc/東網Facebook專頁 : https://www.facebook.com/onccnews/