陳庭欣行花市有仔陪　市民都祝佢搵到如意郎君

陳庭欣年三十晚現身維園行花市，身邊有之前曾參加無綫戀綜節目《女神配對計劃》的參賽者林澤謙（Him）陪同，兩人齊齊在氣球上寫上生日願望外，她又到伍富橋的年宵舖位打卡，順道品嘗地道美食及到攤位玩鸚鵡，她受訪時說：「鸚鵡好得意，啲食肆老闆又好nice，我買件糖葱餅之嘛，佢就請我飲椰青同食魷魚絲，我祝老闆生意興隆，豐衣足食，見到啲學生哥開檔賣擺設，佢哋好主動，充滿活力。」

自言多年沒有行花市的她又謂行花市前，偕譚俊彥、孔德賢、安德尊（大王）及林秀怡在銅鑼灣進行迎新歲直播，市民表現熱情，一度將化身財神的大王重重包圍，她亦大有收穫：「街坊未到新年已經派利是畀我，又祝我早日搵到另一半，覓得如意郎君，好多謝佢哋。」

東網網站 : https://on.cc/東網Facebook專頁 : https://www.facebook.com/onccnews/