十指痛歸心！牛雜妹晒「反甲全紀錄」勁驚嚇

藝人「牛雜妹」李亦喬早前積極減肥，間中晒出性感靚相派福利，點知尋日（28號）突然晒出嚇人「反甲全紀錄」相片，標題更以「照片可能引起不安」溫馨提示。原來佢不幸發生意外，導致嚴重反甲，最後要睇醫生整塊指甲切除，需要請病假休息幾日，佢留言：「終於都明咩叫十指痛歸心。我今次好叻女冇喊過，只係想快啲好番，有番靚靚嘅指甲見人！疼痛令人學會成長，這一課教導我，平時真係要斯文啲。」佢話好彩反得好完整，冇插穿啲肉，仲叮囑大家要好好愛惜身體，真係睇到一額汗呀！

東網網站 : https://on.cc/東網Facebook專頁 : https://www.facebook.com/onccnews/