m18講場：美國網紅遊渝　話要買呢樣嘢返歸

同科企巨擘華為合作開發「問界」嘅車企賽力斯，其自動泊車功能受市場歡迎，就連美國頂流網紅「甲亢哥(iShowSpeed)」都被佢哋驚艷到，仲話要買番架喎！

話說甲亢哥喺中國內地旅行，一邊玩一邊直播。去到重慶，當然有試當地美食，但大喊「好辣啊」，辣嘢唔得佢歡心，但賽力斯出品嘅問界M9就令佢嘩嘩聲！

事關問界M9離車泊入功能，即係架車無人都可以自動完成側方位泊車。佢望住架自己郁，多次驚嘆「架車無人㗎！」，「中國嘅車太瘋狂」，仲係咁問架車點買，想買架返屋企。之不過依加買完，送返美國好大機會要畀辣稅。

講開又講，現時喺上海證券交易所掛牌嘅賽力斯市值成二千幾值人仔，早幾日公布會嚟香港上市。小道消息，公司已聘用好上市顧問，估計好快就會正式入表，市場都好期待呢間公司泊入港股。

東網網站 : https://on.cc/東網Facebook專頁 : https://www.facebook.com/onccnews/