Amanda S.被偶遇零Filter顏值驚人　竟然冇人認得佢！

中法混血模特兒Amanda S.一直都係混血女神，惟去年佢以Tube Dress晚裝現身活動時，被指忽然膠面，繃緊面容令網友吃驚。不過近日有網友喺街頭見到佢拍攝，不過未知係咪佢近年少有現身，令該名網民都認佢唔出，仲令佢最新真實容貌曝光。

網友上載Amanda S.拍攝情況並留言：「貌似在香港遇到了明星，很面熟，但叫不出名字 #明星生圖」見Amanda S.一身緊身黑衫黑褲打扮，身材Fit爆又有型，同當年做Top model嘅狀態冇咩大分別，而佢嘅靚樣似乎亦同去年見人時好大差別，成功搣甩膠面，喺原相機之下都好靚女，狀態絕佳，靚得相當自然。不過此post就惹嚟唔少網民討論，有網民一看就認出佢係Amanda S.，不過同時佢亦被誤認為Danielle、Lisa S.，甚至係蕭芳芳，睇嚟佢都要多啲出鏡，喚醒網友對佢嘅印象。

東網網站 : https://on.cc/東網Facebook專頁 : https://www.facebook.com/onccnews/