吳偉豪新劇任「動作擔當」　努力苦練展示結實肌肉

曾於《萬千星輝頒獎典禮2022》獲得「飛躍進步男藝員」獎、吳大強之子吳偉豪（Ricco），首度在TVB新劇《非常檢控觀》中成為「動作擔當」。他在首集便在三場打鬥戲中有出色表現，多套動作完成得相當俐落。而除了打鬥連場，近乎Carry首集的Ricco還有不少騷肌場面，無論是醫院換衫、或是與馬神晨跑一幕，Ricco都展示超結實胸肌、腹肌、麒麟臂、二頭肌及背肌，完美顏值配以完美Body。

對於被指「睇得又打得」，Ricco直言全靠後天努力苦練：「我平時都會喺屋企做掌上壓、引體上升同重訓，去保持個身形。」並笑言監製林志華對其外表及身形要求極高：「一來我好在意自己個戲做得夠唔夠真實，而監製就好注重我出嚟夠唔夠靚仔，所以要同時兼顧呢兩樣嘢。」

雖然有多場打鬥戲，但原來Ricco事前並沒有接受任何特別動作訓練，只是努力操弗自己迎戰，並自揭秘訣是拉筋：「主要都係做多啲Gym，同埋拉多啲筋。我知道有唔少出拳同踢腿嘅動作，所以最緊要啲筋鬆，出嚟嘅動作先會夠靚。」。

向來看好Ricco的監製林志華，之前在《回歸》中成功憑「斯文眼鏡Look」，將Ricco由「朱凌凌」成功改造成「IT界才俊」。今次林志華再發功，除為Ricco度身訂造多場拳來腳往的場口，還為他設計不少「全紅」造型，無論是皮褸、襯衫或是跑衣，都以棗紅色為主。曾指Ricco有標準小生外形的林志華，笑言睇好Ricco極有潛力成為TVB今年最火爆小生之一：「又勤力、又有顏值、又有外型、又有身手，真係好弗，睇好佢！」