【奸角大聯盟】導演爆《東方華爾街》陣容夠拍三部電影
《東方華爾街》播映第一季的結局篇，監製嚴嘉念(Cora）及導演黃國強（KK）約埋劇中一班反派演員，羅家英、張雷、梁健平、張松枝、吳浣儀等率先睇結局，睇完就急不及待圍埋講戲經。家英哥看畢結局後，禁不住讚賞導演，他說：「今次《東方華爾街》不論導演、監製、編劇都好好，質素好高，今次可以說是為香港增光，為香港爭回很多面子！」
導演KK說：「其實明明係劇集，最後搞搞下配音去東京、北京，mixing又去到泰國⋯⋯我都有壓力，Cora要求好高，由籌備到而家差不多3年，諗諗下自己都覺得這部劇有3套電影資源，單是演員已經可以分3套電影來拍！今次是好的學習同嘗試，有公司、平台配合，聽到演員們讚賞，當然好開心！希望日後有多些機會其他同業交流。」
(即時娛樂)