單飛等足5年 何建曦爆C AllStar未有計劃10周年合體

C AllStar成員何建曦（SoulJase）作客TVB娛樂新聞台節目《StarTalk》專訪，大談單飛出歌感受。SoulJase說：「其實C AllStar休團之前已經有造歌嘅計劃，但一等再等，唔經唔覺已經等咗5年，始終C AllStar單飛有先後，公司又唔想4個炒埋一碟，我又唔介意行後，可能一早已經諗咗點做，所以我行單飛相比之下比佢哋清晰。」
問到2020年屬C AllStar的10周年時，SoulJase說：「等埋King嘅作品先，但係咪King出完歌之後就會合體，我真係唔知，因為仲未有計劃，可能我哋會開始做第二Round單飛。」
新歌《Bounce Back》以人性當中的「謊言」為題材，問到SoulJase為何喜歡研究人性這類題材？他說：「可能我係雙魚座，鍾意諗嘢。（覺得自己真實一面係點？）啲人覺得我好串，成日黑口黑面，我內裏其實好溫馴，我都想知我幾時串過人，幾時黑口黑面，我係俾人串嗰個，4個入面我比較Easy Going，我絕對唔係蝦蝦霸霸嘅人。」