《夜王》打破紀錄　登「香港史上港產電影首周票房第一」

電影《夜王》上周17日上映，至昨日(23日)港澳累計票房高達港幣$48,768.984，據香港票房有限公司紀錄，《夜王》票房打破過去紀錄，成為香港歷年香港及華語電影首周票房冠軍，超越了2023年《毒舌大狀》創下港澳首周票房$43,470,230的紀錄，而由古天樂、林峯和宣萱主演的《尋秦記》去年上映以來反應熱烈，港澳首周票房達$48,365.704，穩守Top 2位置，持續強勢延續至今。　

另外，古天樂今日（24日）以香港演藝人協會會長身份，率領副會長錢嘉樂及一眾理事會成員舉行2026年春茗茶敍，逾百會員出席，包括羅蘭、余慕蓮、馮素波、丁羽、劉江、程可為、吳浣儀和梁葆貞等，古天樂向來很關心同業台前幕後，去年連任會長，致力維護演藝人權益及積極進行慈善公益。席間一如過往向全場會員大派利是，而余安安、張繼聰等亦有贊助抽獎禮物。當日頒發「傑出演藝大獎」由吳浣儀、程可為和劉江獲獎，以表揚多年為演藝界貢獻，劉江說：「好多謝大家冇忘記我，自己唔習慣參加呢啲場合，性格比較內向，今日第一次出席。平時喺TVB成日見到大家，感覺係理所當然，但原來唔喺TVB嘅話要見面係好難，今日見番大家好開心，多謝大會頒呢個獎，我覺得自己未有資格。」吳浣儀感謝大家很有心。

程可為領獎時盡顯幽默本色說：「我最唔識講嘢，竟然要我講嘢！好開心呢個年紀、呢個記性仲可以出鏡演繹角色，回顧一生到依家，我覺得依家係最開心，捱到75歲仲有工作，真係想唔到，有健康、有靚嘅心情。感激上天畀智慧我，同埋畀個樣我啦！依家都仲睇得吓啦！多謝大家！」去年底離開無綫的羅蘭精神奕奕現身，吸引不少藝人跟她合照及拜年，羅蘭大方透露身體狀況，指因天氣潮濕，腳會痛，所以新年不敢四圍去，「依家冇拍嘢，會喺屋企唸吓天主經、聖母經，朋友會打嚟傾吓偈，電視有節目教人做運動，我每日都會跟住節目做大半個鐘運動。」

東網網站 : https://on.cc/東網Facebook專頁 : https://www.facebook.com/onccnews/