「喬峰」造型率先睇！甄子丹公主抱陳鈺琪展雄風

「宇宙最強」甄子丹現正於內地為主演2億元巨製武俠片《天龍八部之喬峰傳》開工，新戲開拍前已因女主角人選而話題不斷，近日再有拍攝花絮片段流出，令甄子丹嘅「喬峰」造型率先曝光！

從片場嘅路透片段可見，甄子丹與歷代喬峰截然不同，一改一貫嘅過頸長髮造型，反而將頭髮紮起，並着上藍色長袍，加上滿面鬍鬚表現滄桑，甚有丐幫風範。當時佢正對飾演「阿朱」嘅內地女星陳鈺琪施展公主抱，見陳鈺琪面色蒼白虛弱無力，而且眼眶微紅眉頭緊皺，簡單一個表情已經完全表達受傷痛苦嘅感覺，至於子丹則將陳鈺琪緊緊擁入懷內，全程勁激動，隔住個Mon都感受到其超強爆發力，戲味極濃！呢個場口仲反覆拍攝多次，但子丹抱住陳鈺琪時都絲毫不動，非常穩陣，網民即大讚臂力驚人Man到爆！

東網網站 : https://on.cc/東網Facebook專頁 : https://www.facebook.com/onccnews/