戴祖儀墮電騙被盜用$3000　出文分享解決方法

戴祖儀去年曾發現有多個假Account冒認她本人跟粉絲私聊並索取金錢，昨日（1月14日）她在社交平台分享最近墮電騙陷阱的經歷。自稱「私隱達人」的戴祖儀，早前發現電話賬單被盜用3000多元，經過查詢、處理、退款後，她出文分享解決方法，希望大家可以防騙。

戴祖儀在threads發文：「警世，估唔到會發生喺自己身上，話說我都係一個私隱達人，所有連結都唔會求其撳，冇電話顯示嘅來電唔會聽。點知，電話賬單都係俾人盜用咗3000幾，百思不得其解下打電話去電話公司，佢話最近好多人都查詢呢樣嘢，真係好多人都俾人盜用，係嚟自Apple Store十幾筆既（嘅）288，然後打電話去Apple處理，Apple嘅處理好好，了解返十錢筆嘅號碼，然之後就幫我申請退款，48小時就可以攞返筆錢，然後佢同我講，而家好多人都係用電話號碼連接Account，咁啲騙徒唔知點解好容易就拎到個電話號碼，連接到付款message，就可以用你Account洗（使）錢。」

戴祖儀分享解決方法：「只要你喺Apple Store度改返唔好拎電話號碼付款，最好用返信用卡等方式，就唔會有呢個問題，覺得好需要話俾大家知，同埋大家如果見到288嘅收費，記得了解清楚係咪你本人用，完。」。