陳慧琳Dry合體唱《紀念日》 50歲馮德倫型爆自封Stephen Yoshi

馮德倫昨晚終極現身，跟雷頌德和陳慧琳同台合唱《紀念日》，全場尖叫。（鍾珍threads影片截圖）

50歲的馮德倫依然靚仔有型。（鍾珍threads影片截圖）

馮德倫跟好拍檔Mark和Kelly攬攬敘舊。（鍾珍threads影片截圖）

Kelly獲讚容貌沒有變過。（鍾珍threads影片截圖）

單立文﹑雷頌德﹑陳慧琳﹑馮德倫和鄧建明同台爆笑料。（鍾珍threads影片截圖）

陳慧琳（Kelly）10場紅館演唱會昨晚（27日）舉行尾場，在Kelly與Super Band環節，身為Dry成員之一﹑50歲的馮德倫（Stephen）孭住結他終極現身，留了白鬚的Stephen依然有型靚佬，他和Kelly及雷頌德合唱《紀念日》，全場尖叫。

Kelly經理人鍾珍今早（28日）在社交平台，貼出昨晚他們同台片段，Dry和Kelly以及單立文及鄧建明儼如舉行棟篤笑。

Kelly說：「網民話即係你哋年紀大咗，叫Dry Martini，係咪型啲喎？」Stephen聞言笑說：「會唔會我叫Stephen Yoshi會型啲？」Kelly再說：「人哋（意指Tyson Yoshi）露點㗎，你冇露就唔係Yoshi。」

在旁的雷頌德（Mark）不明所以問道：「又咩人嚟，呢個我唔識嘅，Yoshi係乜嘢嚟，我真係唔識喎﹗」Stephen即窒Mark：「你返去玩馬啦﹗我仲係好trendy，我仲喺個trend度。」Mark說：「我已經退出啦，唔知乜嘢嚟。」

接着Mark又謂：「其實見證一樣嘢，呢個世界真係有平行時空，隔咗咁多年，我同Stephen鬚都白埋，我仲多咗皺紋，中間（指Kelly）嗰個冇變。」Kelly即摸頭髮說：「白晒喇呢度，白晒兩側，成個楊過咁。」Stephen也加把嘴：「Unfair﹗」

Mark問Stephen：「呢排搞緊乜？」Stephen說：「等緊你Call我，等咗20年，你都冇Call我。（M：50幾歲偶像派冇㗎喎，搞唔掂喎大佬。）得㗎喇，我哋再嚟過。（M：有冇人聽㗎其實？好啦﹗我哋一於諗諗佢）。」

（即時娛樂）

娛樂