張栢芝暴瘦獨行新加坡　不停回頭驚被偷拍

影后張栢芝近月身陷官司纏身，被追討巨額賠償，有網民於新加坡偶遇張栢芝，指佢明顯暴瘦、精神萎靡，情況令人憂心。張柏芝被拍得現身新加坡購物食飯，當時佢獨自一人外出，一個人嗌一份咖哩飯，邊食邊回頭望吓其他餸上咗未，枱上購物袋係買畀阿仔嘅麵包。網友指，素顏上陣嘅佢露出頸上紋身，打扮撲素，頭髮隨意綁起，而佢亦明顯暴瘦，寬鬆長袖衣褲似為遮掩身形，但反而更顯其骨感輪廓，就連手指關節纖細得彷彿一折就斷，激瘦模樣令人心酸。網友又指栢芝依家出街唔敢帶保鑣，唔敢太高調，怕再惹麻煩，食飯時候亦小心翼翼，不停回頭望，好似驚有人偷拍佢咁。

東網網站 : https://on.cc/東網Facebook專頁 : https://www.facebook.com/onccnews/