【口技無用】鄧紫棋金魚嘴啜「小雞」冇反應

新冠肺炎疫情持續，唔少藝人留在家中抗疫，除咗煲劇、做運動、下廚外，亦有人潮玩App解悶！近日興起一隻拍片特效嘅小遊戲，只要對住鏡頭嘟嘴，就可以控制小雞跳動，避過前面嘅障礙物。其中內地男星鄭愷亦有試玩，佢好輕鬆就帶領小雞行完全程順利過關，挑戰成功後佢更露出得意笑容，認真得戚。

至於香港代表就有藝人佘詩曼，素顏上陣嘅佢對住鏡頭獻吻，雖然玩唔夠幾秒就輸咗，不過就勝咗有靚樣搭夠，加上佢輸咗之後「失控」瘋狂嘟嘴飛吻，真係冧死一班粉絲。

但最出位嘅都係歌手鄧紫棋（G.E.M.），用咗童顏特效扮BB嘅佢使出招牌金魚嘴，點知小雞完全冇反應，一開始就即刻Game over，搞到G.E.M.都O晒嘴，相當搞笑。

東網網站 : https://on.cc/

東網Facebook專頁 : https://www.facebook.com/onccnews/