74歲「陳積」顏國樑昏迷留院　患鱗狀癌數度逃過鬼門關

曾於TVB經典處境劇《香港81》系列飾演「陳積」、現年74歲的顏國樑，早前接受鄧英敏YouTube頻道「老友鬼鬼」訪問，提到今個月初曾經留院半個月，更在鬼門關前走過，鄧英敏指他拍攝前兩日才出院。

顏國樑闊別幕前10多年，於2022年現身TVB台慶後，自揭因患上第三期鱗狀細胞癌，導致聲帶失去低音。顏國樑在鄧英敏的短片中提及自己曾經3次踏入鬼門關，其中兩次是太太霍潔貞救回他。顏國樑表示，這13個月不停進出醫院：「呢一年變化好大，都幾坎坷。」

顏國樑之前因接受化療及免疫治療而脫髮，目前已長出一頭白髮。他表示有次在浸會留醫，醫生都以為他走唔返出去：「鱗狀癌影響我呼吸，要裝個支架落去，原來個支架好緊要。」醫生說如果不接受手術會呼吸不到，但做手術會有機會死亡，幸好做完手術出來不用去深切治療部，而是去普通病房。他說事後與姑娘聊天才知道很危險：「只要3分鐘救你唔到，你就會死。」

顏國樑笑指自己一覺得有問題就會立即報警求助，求生慾極強，但想不到踏入2024年的頭半個月已經出事：「起初感覺喉嚨少少痕，我就細細力慢慢咳，忽然間就鎖住喉嚨，一吸唔到氧氣就窒息，好彩我隨身有支『吱吱』（哮喘藥噴劑），即刻吸，再叫十字車，一路吸住氧氣入院，送到院已經昏迷。後來先知我昏迷咗幾日，如果我反應慢啲，冇咗喇。」他呼籲長者若感身體不妥，要立即call 救護車。

顏國樑表示癌症復發，要經常打抗生素：「第一次嘅鱗狀細胞癌消失咗，但喺另一個地方復發，仲有啲細細粒嘅走出嚟，所以要做電療，怎知中途又有細菌感染，最少打7日抗生素，每日打3支，即係冇得瞓。出院覆診轉頭又入院，醫生都話冇計，係我抵抗力唔夠。開頭我仲以為自己衛生程度唔夠，摸完狗狗、掂完銀紙都洗手，一日都唔知洗幾多次手。」