林俊傑孖爸爸合照Chok到爆　粉絲起底打卡景點

新加坡天王林俊傑（JJ）出道21年，出過唔少膾炙人口嘅經典歌曲外，亦不時透過社交網同粉絲分享生活點滴，日前更晒出同爸爸嘅合照道：「Father n son.父子」只見身穿潮T襯寬褲嘅佢，全黑休閒打扮仍然相當帥氣，而爸爸白T黑褲嘅純樸打扮，更係同JJ相映生輝，引嚟唔少網友留言大讚：「黑白鋼琴鍵的搭配，帥帥帥！」、「溫馨的父子時光！」然言，由於父子2人係喺火車鐵路上合照，引嚟台灣網友擔憂如果照片喺台灣影，可能有違反《鐵路法》疑慮：「如果是在台灣拍的話，在鐵道拍照是違法的。」對此，亦有知情粉絲解答道JJ係喺新加坡嘅「鐵道走廊」（Rail Corridor），並表示該景點目前僅供遊客觀光步行打卡。

東網網站 : https://on.cc/東網Facebook專頁 : https://www.facebook.com/onccnews/