歐倩怡首談郭晉安緋聞　同仔女淨係傾吃喝玩樂

藝人歐倩怡（Cindy）與朱智賢最近忙於為HOY TV拍攝節目《健康關注組》，Cindy前夫郭晉安最近與年輕37年的港姐冠軍莊子璇傳緋聞，Cindy受訪表示：「我係冇留意新聞嘅，因為最近都忙緊其他嘢，所以我都唔理解發生咩事，唔係咁方便去評論。」問到子女可有提及過爸爸嘅緋聞呢？她續說：「咁又冇喎，我同仔女之間嘅溝通都係圍撓住吃喝玩樂。」問到若果對方有新戀情會否送上祝福？她說：「呢件事如果真係發生，大家就會知道我嘅反應啦。」

朱智賢早前因愛犬離世，相當傷心，心情久久未能平復，直至最近才整理好心情，重新在上載網上短片，但片中也忍不住爆喊，她受訪表示：「過去嘅一段間，情緒係有啲問題，好難去創作，原來真係咩都諗唔到，我都好想拍，但完全拍唔到任何嘢，就叫自己放慢腳步，休養一下。因為狗狗過身，我真係好難過，一直都冇做任何網上創作，直至最近終於收拾心情，重新出發，突然又有靈感，又可以拍片，發現自己好鍾意剪片。」

而被問到所拍的同居題材短片有人相助拍攝，是否有新戀情？朱智賢則說：「我嘅片一向都係討論兩性關係，講男女朋友，因為我覺得大家鍾意睇呢個題材，大家都感同身受。其實攞攝錄機嘅係我工人姐姐，所以大家唔使誤會，我係保持開放態度，大家放心追我啦，哈哈！」

東網網站 : https://on.cc/東網Facebook專頁 : https://www.facebook.com/onccnews/