黃庭鋒首當男主角驚到手震　狂讚湯洛雯比男仔更放

藝人黃庭鋒於現時播映中的無綫劇集《富貴千團》中首當男主角，他日前接受電台訪問時，坦言收到劇本時手都震埋，他謂:「監製同我講嗰陣我真係有啲震，但表面又要裝扮冷靜，佢問我得唔得？我話得呀！得呀！我記得當日係同湯洛雯一齊上去同監製傾，我未同阿湯合作過，唔知火花係點，但原來佢比我哋幾個男仔更加放！」由於今次角色立體，情緒轉變很大，故事前庭鋒都做了不少功課，更看了Leonardo DiCaprio（里奧勒度狄卡比奧）的電影《華爾街狼人》多次參考。

此外，庭鋒剛剛跟佘詩曼合作拍攝完新劇《正義女神Themis》，劇中與阿佘有不少對手戲的她，坦言覺得很好玩：「一開始都幾緊張，真係由細睇佢睇到大，第一場拍就只得我同佢兩個，所以有少少驚，但後尾發覺佢個人幾好玩，合作得好開心。」以前主要做綜藝節目的他，坦言現時最想是演戲，想放多點時間於演技上浸淫。

東網網站 : https://on.cc/東網Facebook專頁 : https://www.facebook.com/onccnews/