陸永搞盆菜聚會巨宅曝光　戶外花園大到變排球場

由陸永及C君組成的音樂組合農夫，近年自組公司，培訓香港棟篤笑人才。而趁住農曆新年，陸永於初三便邀請C君及太太黃天頤、黃翠如蕭正楠夫婦，以及洪永城梁諾妍夫婦，到家中食盆菜相聚。其中陸永太太陳莉娜（Reina）在IG限時動態分享短片，見到幾位朋友跟女兒陸一心在戶外花園打排球，並寫道：「成班長輩陪Simsim猜波。」足見花園之大，活動空間充足。

從相片及影片可見，陸永所住的屬於獨立屋，屋前更有一片頗大的花園空地，足以讓6位成年人跟女兒SimSim，一齊打排球。黃翠如在個人IG轉發Story時，也加上一句：「一個好好打排球的場。」其實陸永間複式巨宅都不是首次曝光，之前偶有朋友聚會，或早前歲末打掃屋企，都會見到無論是客廳、睡房、廚房或是露台，處處都空間十足，十分寬敞。

陸永與太太陳莉娜（Reina）於2011年結婚，婚後育有兩女陸一穎（Hannah）及陸一心（SimSim）。而據早前的報導所講，陸永跟太太都篤信風水，所以差不多數年便搬一次屋，跟風水走，而每次都是千挑萬選，從4、50個盤中揀出心水，又愈搬愈大，現居的巨宅是位於新界。