裕美爆被前夫家暴撼頭埋牆　林作惹官非講明不離不棄

林作與裕美拍拖7年，表面上不時你寸我，我又寸你，其實不知幾恩愛。不過，裕美曾離過一次婚，在25歲花樣年華，下嫁教會朋友林恩浩，婚姻僅維持了3年。這段婚姻對她最大教訓，是伴侶要找個有戀愛經驗和價值觀相同的人。

裕美接受訪問時大爆前夫飲醉後會發酒癲、飛垃圾桶，她說「一個垃圾桶喺我面前飛過，令我諗起我爸爸，我唔得。佢飲大會瞓喺浴缸度，要我拖佢出嚟。」她試過勸前夫某些行為，低前夫着了魔一樣，將她撼頭埋牆：「我嗰一刻冇感覺，呆咗，好難想像佢會咁做。」

裕美之後戀過藝人黃子恆、外國男友Alex，最後情定林作。裕美笑言一開始討厭林作，「點解有人個頭亂得咁緊要，唔靚仔，但超級有自信。」林作全晚「眼定定」望實裕美狂讚靚女，裕美只感對方似「宅男」。當時裕美與外國男友感情出問題，林作以「戀愛顧問」自居，熱心為裕美解答感情煩惱，最後結論只有一個，「你終有一日會同我一齊。」在林作的熱烈追求下，裕美被打動芳心，一拍就是7年。

近年林作爭議不斷，捲入JPEX案被拘捕，裕美頻撲為男友打點，借錢交保釋金、警署送叉燒飯，陪伴上庭。裕美有時因難以分身兼顧太多事而「忟憎」，但她直言，從未想過要離開林作，她認為：「你同一個人一齊，佢點樣你都要接受。因為佢冇打我，而且佢對我都係好，我唔會因為其他嘢同佢分開。我嘅底線就係，你對我唔好，你郁手打我，我即刻走。但你冇嘅時候，你純粹喺我眼中係頑皮，我唔知你幾時又出咗咩，辣着咗火頭，我都要同你共同面對。」

東網網站 : https://on.cc/東網Facebook專頁 : https://www.facebook.com/onccnews/