最美黃蓉作品仆直？李一桐繼續劇接劇傳後台勁

不過佢作品接連被指唔掂，話佢拖累埋男主角。

李一桐被喻為「最美的黃蓉」。

內地女星李一桐因拍劇集《射鵰英雄傳》走紅，仲被喻為繼翁美玲之後「最美的黃蓉」，不過佢之後雖然劇接劇，但仍未見有爆紅作品出現，就連近日播出嘅古裝劇《驪歌行》都不被睇好。

《驪》劇播出後已被指指點點，除咗劇情被指角色太過理想化，又有網民話畫質濾鏡太重，帶唔到追劇的氣氛，有人更懷疑李一桐觀眾緣麻麻，所以拖累男主角。然而李一桐一於少理，繼續劇接劇，有傳佢後台強勁，所以先有咁多機會，近日就瘋傳假如片商邀請李一桐擔任女主角，就能獲得投資方畀較高嘅資金投資。

不過李一桐知道傳聞後，就喺爆料者文章留言：「對不起，最近人稱行走的法學專家，你惹錯人了。我會告到你找到背景為止！」佢工作室亦發文指出所有傳聞係惡意造謠，會保留追究侵權者法律責任嘅權利。

東網網站 : https://on.cc/

娛樂